ГРАДБА ЈАСЕН

Умеењето да се ужива во животот и да се радува на домот и малите нешта во него е смислата на животот. Секој човек има потреба да живее во удобен и пријатен дом и да работи во пријатен и инспиративен амбиент, се со цел да ужива во животот.  Градба Јасен од Прилеп беше и сеуште е една од позначајните фирми за трговија на големо и мало со градежни материјали, градба на објекти за домување и работење и за производство  на градежни материјали на Р.М. Едни од приоритетните дејности во последно време се ѕидање блокови YTONG и уредување на ентериери со RIGIPS систем со сите потребни елементи. Фирмата е основана во почетокот на месец Февруари, 1990 година и е регистрирана со цел промет со градежни материјали, огрев и железарија. Трговијата на мало со овие производи ја обавуваше и денес ја обавува во 2 стоваришта со преку 350 артикли од областа на градежништвото, метали и неметали и друго. Стоките кои ги нудиме се со проверен квалитет од познати и признати производители во земјата и странство. Како плод на долгогодишното успешно работење Градба Јасен има склучено договори од посебен ексклузивитет со повеќе фирми. Следејќи ги потребите на пазарот во 1995 година фирмата започна со производство на повеќе производи кои наоѓаат примена во градежништвото. Со текот на работата готовите производи од Градба Јасен наоѓаат се поголема примена во градежништвото, благодарение на високиот квалитет и пристапните цени. Овие десетина производи се применуваат како во Високата Градба така и при уредувањето на ентериери и екстериери. Со добивањето на ексклузивното право за застапување и продажба на веќе познатиот градежен материјал YTONG. Градба Јасен направи чекор напред докажувајќи се и како градежник со овој висококвалитетен производ. Во Р.М. Изградени се доста објекти: станбени згради, деловни простории, магацински простори за кои инвеститорите од Прилеп, Битола, Охрид, Скопје и други градови позитивно се изјаснија. Покрај изградбата на нови објекти Градба Јасен врши санација, реконструкција и доградба на стари згради и други објекти. Во делот од внатрешното уредување РИГИПС и КНАУФ плочите најдоа извонредна примена во ентериерното уредување на просторот. Со сува монтажа, лесно и брзо се доаѓа до бараниот ефект. Исто така паралелно екипите на Градба Јасен монтираат парно греење, одвод, довод на вода, монтираат електрични инсталации и вршат екстериерно уредување на фасади, дворови и сл. Градба Јасен континуирано сиве овие години е перманентно присутна на специјализираните саеми за градежништво ширум Европа се со цел да биде во чекор со најновите достигнувања од полето на градежништвото и изнаоѓање на адекватни материјали и нивна примена. Особено максимално се посветува внимание на производи кои овозможуваат хидротермичка и звучна изолација. ВАШИТЕ ЖЕЛБИ И СОН ЗА УБАВ ДОМ СЕКОГАШ ЌЕ БИДАТ ПРЕДИЗИВИК ЗА НАС. ПОВЕЛЕТЕ КАЈ НАС, БЛАГОДАРИМЕ НА ДОВЕРБАТА.
ГРАДБА ЈАСЕН

За Нас

Контакт Форма

Политика на Приватност
